පාකිස්තාන අගමැති රවුෆ් හකීම් සහ රිෂාඩ් බදුර්දීන් හමුව අවලංගු කරයි

මෙරට ප්‍රධාන පෙළේ මුස්ලිම් නියෝජිතයන් වන රවුෆ් හකීම් සහ රිෂාඩ් බදුර්දීන් යන මහත්වරුන් හට පාකිස්තාන අගමැති ඉම්රාන් ඛාන් මහතා හමුවීමට ලබා දී තිබූ වේලාවන් අවසන් මොහොතේ අවලංගු කොට ඇති බව වාර්තා වේ.

හකීම් සහ බදුර්දීන් මහත්වරුන් මීට දින කිහිපයකට ඉහතදී මෙරට පිහිටි පාකිස්තාන මහකොමසාරිස් කාර්යාලයෙන් ඉම්රාන් ඛාන් මහතා සමග සාකච්ජා කිරීම සදහා අවස්ථාවත් ඉල්ලා තිබූ අතර එම ඉල්ලීමට අනුව ඔවුන් ඒ සදහා වෙලාවන් ලබා දීට පියවර ගෙන තිබිණ.

කෙසේවෙතත් මේ වනවිට පාකිස්තාන මහකොමසාරිස් කාර්යාලයෙන් දැනුම් දී ඇත්තේ එම සාකච්ජාවන් අවලංගු කිරීමට සිදුව ඇති බවකි.

ඒ සදහා හේතු දැක්වීමක් කර නොමැති නමුත් ඉහළින් ආ බලපෑමක් හේතුවෙන් මෙම සාකච්ජා අවලංගු කිරීමට සිදුව ඇති බව දැනගන්නට තිබේ.