සුළි කුණාටුවලට නම් තැබෙන්නේ මෙහෙමයි

ලෝකයේ ඇති වන සුළි සුළං විවිධ නම්වලින් හඳුන්වනු අප අසා දැක තිබේ. එලෙස සුළි සුළංවලට නම් තැබෙන ආකාරය සම්බන්ධයෙන් බොහෝ දෙනෙකු නොදන්නවා විය හැකිය.

සුළි සුළං සහ සුළි කුණාටුවලට නම් තැබීමේ අරමුණ වන්නේ, එම සුළි සුළං තත්ත්වය සම්බන්ධයෙන් ජනතාව අතර වැඩි අවධානයක් යොමු කරවීමය. එමෙන්ම, සුළි සුළඟ පිළිබඳව ජනතාව දැනුවත් කිරීමේදී මෙන් ම මාධ්‍ය ඔස්සේ තොරතුරු ලබා දීමේදී සුළි සුළං සඳහා නමක් තැබීම අතිශය වැදගත් වේ.

ඒ අනුව, කලාපීය වශයෙන් ඇති වන සුළි සුළං සහ සුළි කුණාටු සඳහා නම් තැබීමේ වගකීම පැවරී ඇත්තේ, ඉන්දියාවේ නවදිල්ලි නුවර පිහිටි කලාපීය විශේෂ කාලගුණික මධ්‍යස්ථානය The Regional Specialized Meteorological Centre (RSMC) of Tropical Cyclones in New Delhi වෙතය.

එම කාර්යාලයට කලාපීය රටවල් සුළි සුළං සඳහා යෝජිත නම් ලබා දී තිබේ. ඒ අනුව, 2020 අප්‍රේල් මාසයේදී එම කාර්යාලය වෙත ලැබී ඇති යෝජිත නම් පහත පරිදිය. ඒවා රටෙහි නම අකාරාදිය පිළිවෙළට සකසා අදාළ යෝජිත නම් ලැයිස්තුගත කර තිබේ.