වංචාකාරී පිරමීඩ ජාවාරම්, වගා ව්යාපෘති සඳහා මුදල් තැන්පතු භාර ගැනීම සහ අධික මුදල් සහ ප්රතිලාභ ලබාදෙන බවට පවසමින් රට පුරා ක්රියාත්මක මූල්ය මගඩි සහ වංචාවලින් ජනතාව සුරැකීමට මහ බැංකුවෙන් “Be Scam Proof” ජාතික මෙහෙයුමක් ඉකුත් අඟහරුවාදා (02) ආරම්භ කළේය.
ශ්රී ලංකාව තුළ ව්යාප්ත වෙමින් පවතින විවිධ මූල්ය වංචාවලින් මහජනතාව ආරක්ෂා කිරීම සහ ඔවුන්ගේ මූල්ය යහපැවැත්ම තහවුරු කිරීමේ අරමුණින් කොළඹ කොටුව මහ බැංකු මූලස්ථානයේදී ශ්රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහතාගේ ප්රධානත්වයෙන් මෙම සමාරම්භක උත්සවය පැවැත්විණි.
වංචාකරුවන්ගේ ගොදුරු බවට පත්වන ජනතාව ඉන් බේරා ගැනීමේ අදහසින් නව වැඩපිළිවෙළ ආරම්භ කළ බව අදහස් දක්වමින් මහ බැංකු අධිපතිවරයා පෙන්වා දුන්නේය.
නීත්යනුකූල මූල්ය ආයතන සහ නීතිවිරෝධි මූල්ය ක්රම පිළිබඳව මහජනතාව සතු දැනුම අඩුවීම වංචාකරුවන් සිය වාසියට හරවා ගන්නා බවයි. සංවර්ධනය වෙමින් පවතින රටවල ක්රියාත්මක වන පිරමීඩ ජාවාරම්, නීතිවිරෝධි තැන්පතු ලබා ගැනීම් සහ අධික ලාභ ලබා දෙන බවට පොරොන්දු වන ආයෝජන වංචා හේතුවෙන් රටේ දුප්පත්කම පිටුදැකීමට ද දැඩි බාධා එල්ල වන බව ඔහු අවධාරණය කළේය.
මූල්ය සාක්ෂරතාවයේ වැදගත්කම මෙම මාසයක් පුරා ක්රියාත්මක වන “Be Scam Proof” ජාතික දැනුවත් කිරීමේ ව්යාපාරය, මෙරට මූල්ය සාක්ෂරතාවය ඉහළ නැංවීමේ ජාතික වැඩපිළිවෙළේ සුවිශේෂී සන්ධිස්ථානයක් ලෙස සැලකේ. මහජනතාව දැනුවත් කිරීම ජාතික වගකීමක් ලෙස සලකා මෙම පියවර ගත් බව අධිපතිවරයා මෙහිදී සඳහන් කළේය.
මූල්ය වංචාවන්ට හසුවන පිරිස බේරා ගැනීමට තනිව කටයුතු කොට නොහැකි බව අවධාරණය කළ අධිපතිවරයා එය සමූහ ප්රයත්නයක අවශ්යතාවක් බවද කීය.
මූල්ය වංචා මර්දනය කිරීම මහ බැංකුවට පමණක් තනිව කළ නොහැකි බවත්, ඒ සඳහා ක්ෂේත්ර කිහිපයක සහයෝගය අත්යවශ්ය බවත් මෙහිදී අවධාරණය කළේය. ඒ අනුව විශේෂයෙන්ම මාධ්ය ආයතන, මූල්ය ආයතන, විදුලි සංදේශ සේවා සපයන්නන් සහ නීතිය බලාත්මක කරන ආයතන එක්ව කටයුතු කළ යුතු බව සඳහන් කළේය.
එලෙස කටයුතු කිරීමෙන් පමණක් මෙම මූල්ය වංචා මැඬපැවැත්විය හැකි බව මහ බැංකු අධිපතිවරයා වැඩිදුරටත් කියා සිටියේය.
මෙම ජාතික මෙහෙයුම හරහා ශ්රී ලාංකික ජනතාවගේ මූල්ය සුරක්ෂිතතාවය තහවුරු කිරීම මහ බැංකුවේ මූලික බලාපොරොත්තුවයි.