රජය විසින් පාර්ලිමේන්තුවට ඉදිරිපත් කර ඇති පදිංචිකරුවන් ආරක්ෂා කිරීමේ පනත් කෙටුම්පත සම්බන්ධයෙන් යළි සමාලෝචනය කිරීමට රජය තීරණය කර ඇති බව නීතිපතිවරයාඊයේ (09) ශ්රේෂ්ඨාධිකරණයට නිල වශයෙන් දැනුම්දී තිබෙනවා.
මෙම පනත් කෙටුම්පතේ ව්යවස්ථානුකූලභාවය අභියෝගයට ලක් කරමින් ගොනු කර තිබූ පෙත්සම් ශ්රේෂ්ඨාධිකරණය හමුවේ ඊයේ(09) කැඳවූ අවස්ථාවේදී, නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් සුමති ධර්මවර්ධන මහතා මෙම කරුණු අනාවරණය කළා.
පනත් කෙටුම්පත පිළිබඳ මහජන අදහස් සහ යෝජනා ලබා ගැනීම සඳහා අධිකරණ අමාත්යවරයා විසින් පෙබරවාරි මස 03 වනදා සිට මාසයක කාලයක් ලබා දී ඇති බවද ඔහු අධිකරණයට දැනුම්දුන්නා.
රජය මෙම කෙටුම්පත පිළිබඳව යළි සලකා බැලීමට ගත් තීරණය හේතුවෙන්, අදාළ පෙත්සම් විභාගය අවසන් කිරීමට ශ්රේෂ්ඨාධිකරණය තීරණය කළා.