Site icon srihanda.lk | Sri Handa News Official Web Site|Sri Lanka News|News Sri Lanka|Online Sinhala News

සහල් ආනයනයට ආහාර කමිටු නිර්දේශය

ජනපති අරමුදල අවභාවිත කළ 22ක් ගැන CID විමර්ශන

ජනපති අරමුදල අවභාවිත කළ 22ක් ගැන CID විමර්ශන

FacebookTwitterWhatsAppLinkedInLineWeChat

පාරිභෝගික ජනතාවට හිඟයකින් තොරව සහල් දීම අරමුණු කරගෙන ඉදිරියේදී සහල් ආනයනය කිරීමට ආහාර ප්‍රතිපත්ති හා සුරක්ෂිතතා කමිටුව රජයට නිර්දේශ කර ඇත.

අස්වැන්න නෙළන තත්ත්වයක් තුළ වුවත් මේ වන විට වෙළෙඳපොළහි සහල් මිල ඉහළ යෑමක් නිරීක්ෂණය වන බව අනාවරණය වී තිබේ. මේ හැරුණුකොට වෙළෙඳපොළහි ඇතැම් සහල් වර්ගවල හිඟයක්ද දක්නට ලැබෙන බැවින් ප්‍රමාණවත් සහල් තොග පවත්වාගෙන යෑම පිණිස සහල් ආනයනය කිරීමට ඇමැති මණ්ඩලයේ අවධානය යොමු කිරීම පිළිබඳ ආහාර ප්‍රතිපත්ති හා සුරක්ෂිතතා කමිටු රැස්වීමේදී සාකච්ඡා වී ඇත.

එම කමිටුව ආහාර සුරක්ෂිතතාව තහවුරු කිරීමට අදාළව ප්‍රතිපත්තිමය තීන්දු ගැනීම සඳහා කෘෂිකර්ම, පශු සම්පත්, ඉඩම් සහ වාරිමාර්ග ඇමැති කේ.ඩී. ලාල් කාන්ත, වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන ඇමැති වසන්ත සමරසිංහ මහත්වරුන්ගේ ප්‍රධානත්වයෙන් 05වැනි වරටත් ජනාධිපති ලේකම් කාර්යාලයේදී ඉකුත් අඟහරුවාදා දින (01) රැස්විය.

මේ වසරේ පැවති අධික වර්ෂාව හේතුවෙන් අවස්ථා දෙකකදී වගා හානි සිදුවීම නිසා අපේක්ෂිත අස්වැන්නේ සැලකිය යුතු පහළ යෑමක් සිදු වූ බවද මෙහිදී අනාවරණය වූ අතර සත්ත්ව ආහාර සඳහා අවිධිමත් ලෙස සහල් භාවිත කිරීම සහල් හිඟය කෙරෙහි බලපා ඇති තවත් ප්‍රධාන හේතුවක් බවද මෙහිදී සඳහන් විය.

එම නිසා සත්ත්ව නිෂ්පාදන කර්මාන්තයෙහි සත්ත්ව ආහාර අවශ්‍යතා සඳහා කැඩුණු සහල් ආනයනය කිරීමටත් ආදේශක ආහාර භාවිත කිරීම පිළිබඳවත් කමිටුවේ අවධානය යොමු විය.

කැඩුණු සහල් අවශ්‍ය ප්‍රමාණ නිසි ක්‍රමවේද අනුගමනය කරමින් ආනයනය කිරීමට කෘෂිකර්ම අධ්‍යක්ෂ ජනරාල්වරයාගේ ප්‍රධානත්වයෙන් කමිටුවක් පත් කිරීමටද ආහාර සුරක්ෂිතතා කමිටුවේ අනුමැතිය හිමි විය.

අග්‍රාමාත්‍ය ලේකම් ප්‍රදීප් සපුතන්ත්‍රි, ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර මහත්වරුද අමාත්‍යාංශ ලේකම්වරුන්ගෙන් සමන්විත ආහාර ප්‍රතිපත්ති හා සුරක්ෂිතතා කමිටුවේ සෙසු සාමාජික සාමාජිකාවෝද මෙම අවස්ථාවට එක්ව සිටියහ.

Exit mobile version