2022 බුකර් ත්‍යාගය දිනා ගැනීමට ශ්‍රී ලාංකික ලේඛකයෙකු වන ශෙහාන් කරුණාතිලක ( 17) සමත් විය.
ඔහුගේ දෙවන නව කතාව වන The Seven Moons of Maali Almeida වෙනුවෙන් ඔහු එම ත්‍යාගය දිනා ගත්තේය.
විනිසුරුවන් විසින් “එහි විෂය පථයේ අභිලාෂය සහ එහි ආඛ්‍යාන ශිල්පීය ක්‍රමවල හාස්‍යජනක නිර්භීතභාවය” අගය කරන ලද බව විදෙස් මාධ්‍ය වාර්තාවල දැක්වේ.
2011 වසරේ සිය පළමු නවකතාව වන Chinaman රචනා කිරීමෙන් දශකයකට පමණ පසු ඔහු සිය දෙවන නවකතාව ප්‍රකාශයට පත් කර තිබිණි.
Seven Moons of Mali Almeidaහි මරණයෙන් නැවත පිබිදෙන ඡායාරූප ශිල්පියෙකු පිළිබඳ ලියැවී තිබේ. ඔහුව මරා දැමුවේ කවුරුන් ද යන්න ගැන කිසිදු අදහසක් නොමැතිව, මාලිට ඔහු වඩාත්ම ආදරය කරන පුද්ගලයින් සම්බන්ධ කර ගැනීමටත් සහ ඔවුන්ව ශ්‍රී ලංකාවේ සිවිල් යුද්ධයේ ම්ලේච්ඡත්වයේ සැඟවුණු ඡායාරූප ගබඩාවකට ගෙන යාමට ඇති කාලය පිළිබඳව එහි සඳහන් වී ඇත.
එය “ජීවිතය සහ මරණය හරහා රෝලර්කෝස්ටර් ගමනක පාඨකයා රැගෙන යන නවකතාවක්,” බවට මෙම වසරේ ත්‍යාගය සඳහා විනිසුරුවන්ගේ සභාපති නීල් මැක්ග්‍රෙගර් ප්‍රකාශ කර තිබේ.
සිය ත්‍යාගය ලබා ගනිමින් සිංහල භාෂාවෙන් සහ දමිළ භාෂාවෙන් ශ්‍රී ලාංකේය ජනතාව අමතමින් ශෙහාන් කරුණාතිලක ප්‍රකාශ කර ඇත්තේ, “මම පොත් ලියන්නේ ඔබ වෙනුවෙන්, අපි මේ කතා බෙදාහදා ගනිමු,” යනුවෙනි.
1992 වසරේ The English Patient නවකතාව සඳහා සම්මානයට පාත්‍ර වුණු ශ්‍රී ලාංකික සම්භවයක් ඇති ලේඛකයෙකු වන Michael Ondaatjeට පසුව බුකර් ත්‍යාගය දිනාගත් දෙවන ශ්‍රී ලාංකික ලේඛකයා ලෙස ශෙහාන් කරුණාතිලක සැලකෙයි.
ශෙහාන් කරුණාතිලක 1975 වසරේ ගාල්ල නගරයේදී උපත ලැබුවේය.