හමුදාව වෙනුවෙන් තන්තාමලයිහි අක්කර 1500ක වනාන්තර ප්‍රදේශයක් අත්පත් කර ගැනීමේ ක්‍රියාමාර්ගය, දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන ආර්. චානක්‍යන්, කේ. කරුණාකරම් යන අය විසින් වළක්වා ඇත.
පට්ටිපලෙයි ප්‍රදේශයෙහි පිහිටි තන්තාමලයි ප්‍රදේශයේ ඇති අක්කර 1500ක වනාන්තරයක් සඳුදා දින හමුදාවේ අවශ්‍යතාවයන් සඳහා නීතිවිරෝධී ලෙස අත්පත් කර ගැනීමේ උත්සාහයක නිරත වී තිබිණි.
මෙයට අද පැවති ප්‍රාදේශීය සංවර්ධන කමිටු රැස්වීමේදී දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන ආර්. චානක්‍යන්, කේ. කරුණාකරම් යන අය දැඩි විරෝධය පළ කර සිටියහ.
එමෙන්ම, අදාළ ක්‍රියාමාර්ග වහාම අත්හැරිය යුතුයි යැයි ද ඔවුන් දෙදෙනා බල කළහ.
මෙම විරෝධතාවයට ප්‍රාදේශීය කමිටුවේ සම සභාපති රාජ්‍ය අමාත්‍ය එස්. වියාලෙන්දිරම් මහතාද විරුද්ධ වූ හෙයින්, ප්‍රාදේශීය සංවර්ධන කමිටු රැස්වීමේදී ඒකමතිකව තීන්දු ගෙන දිස්ත්‍රික් සංවර්ධන කමිටුව වෙත එම තීන්දුව යොමු කර ඇත.