කොරෝනා වෛරසය හේතුවෙන් මරණයට පත් මෘත දේහ පුළුස්සා දැමීමට සෞඛ්‍ය අමාත්‍යාංශය ගත් තීරණයට විරෝධය පළ කරමින් කොරෝනා තාක්ෂණික කමිටුව නියෝජනය කරන බොහෝ වෛද්‍යවරුන් සහ විශේෂඥයින් ඉල්ලා අස්වී තිබේ. ප්‍රධාන අධිකරණ වෛද්‍ය නිලධාරී ආචාර්ය චන්න පෙරේරාගේ ප්‍රධානත්වයෙන් පසුගියදා පැවති රැස්වීමකින් අනතුරුව ඉල්ලා අස්වීමට තීරණය කර තිබේ.
ප්‍රජා වෛද්‍ය විද්‍යාලය සහ වෛරස් විද්‍යාඥයින් විසින් කොරෝනා මරණය පිළිබඳ වාර්තා ඉදිරිපත් කර ඇති අතර, එහි සාමාජිකයින්ගෙන් බොහෝ දෙනෙක් කොරෝනා ආදාහනය හා භූමදානය සඳහා අවසර දී ඇති බව පෙන්වා දෙති.
එක්සත් ජාතීන්ගේ සහ ලෝක සෞඛ්‍ය සංවිධානයේ මාර්ගෝපදේශයන්ට පටහැනිව ක්‍රියා කිරීමේ ප්‍රතිවිපාකද ඔවුන් පෙන්වා දී ඇත.
කොරෝනා ආසාදනයෙන් මියගිය අයගේ මළ සිරුරු පුළුස්සා දැමීම යන මතයේම රාජ්‍ය අධිකරණ වෛද්‍ය නිලධාරීන් වන වෛද්‍ය චන්න පෙරේරා, කළුතර ප්‍රාන්ත වෛද්‍ය නිලධාරී වෛද්‍ය සිරියානන්ද අමරසේකර සහ මීගමුව අධිකරණ වෛද්‍ය නිලධාරී යන සිටියහ.
එම මතයට අනුකූල නොවූ සාමාජිකයින් කමිටුවෙන් ඉල්ලා අස්වන බව නිවේදනය කළහ. වෛද්‍ය පර්යේෂණ ආයතනය නියෝජනය කරන වෛද්‍ය ආර්නෝල්ඩ්. මහාචාර්ය අජිත් තෙන්නකෝන් ඇතුළු බොහෝ දෙනෙක් සිය ඉල්ලා අස්වීම් සෞඛ්‍ය අමාත්‍යාංශයේ අධ්‍යක්ෂ ජනරාල් වෙත යවා ඇති බව වාර්තා වේ.
ඉල්ලා අස්වූ වෛද්‍යවරුන් සහ විශේෂඥයින් පවසා ඇත්තේ වෛද්‍ය විද්‍යාව හා පර්යේෂයන්ට පටහැනිව ක්‍රියා කරන කණ්ඩායමක සිටිය නොහැකි බවයි.
අනාගතයේ දී ජාත්‍යන්තර වෛද්‍ය සැසි හා සෞඛ්‍ය සම්මන්ත්‍රණවලදී තමන් ප්‍රතික්ෂේප වේ යැයි ඔවුන් බිය වීම සැලකිය යුතු කරුණකි.
සෞඛ්‍ය අමාත්‍යාංශයට අනුව, කණ්ඩායමේ සාමාජිකයින් 19 දෙනාගෙන් වැඩි දෙනෙක් ඉල්ලා අස්වී තිබේ.
-Vidivelli