බහුධ්රැවීයකරණ ලෝකයක් හා නව ආකාරයේ ජාත්යන්තර සබඳතා මුලපිරීමක් පිළිබඳ චීනයේ සහ රුසියාවේ ඒකාබද්ධ ප්රකාශය නිකුත් කෙරේ.
දෙවන ලෝක සංග්රාමය අවසන් වීමෙන් පසු ජාත්යන්තර ව්යුහය සහ බල තුලනය වේගවත් වෙනස්කම් පෙන්නුම් කර ඇත. සමාන හා ක්රමවත් බහු ධ්රැවීය ලෝකයක් සහ වඩාත් සාධාරණ ගෝලීය පාලන පද්ධතියක් ඇතුළත් නව ආකාරයේ ජාත්යන්තර සබඳතා ගොඩනැගීම සඳහා චීනය සහ රුසියාව ඉදිරිපත් වීමට එකඟ වී තිබෙන බව එම ප්රකාශයේ සඳහන් වේ.
ඒ සඳහා, විවෘතභාවය සහ අන්යෝන්ය වශයෙන් වාසිදායක සහයෝගීතාව තහවුරු කරමින් ආරක්ෂාව, සමානාත්මතාවය ද සමඟින් ඒවා බෙදිය නොහැකි ආකාරයේ මූලධර්මයන්ට අනුගතව සිටීමේ අවශ්යතාව මෙහි අවධාරණය කර ඇත.
එමෙන්ම ජාත්යන්තර සබඳතා ප්රජාතන්ත්රීයකරණය ප්රවර්ධනය කරමින් ගෝලීය කළමනාකරණ පද්ධතිය වැඩිදියුණු කරන ලෙසත්, ලෝක ශිෂ්ටාචාරයන් සහ වටිනාකම්වල විවිධත්වය ආරක්ෂා කරන ලෙසත් චීනය සහ රුසියාව ජගත් ප්රජාවෙන් ඉල්ලා සිටින බවද එහි සඳහන් වේ.
තවද, බහුධ්රැවීයකරණ ලෝකයක් සහ වඩාත් සාධාරණ නව ආකාරයේ ජාත්යන්තර සබඳතා ගොඩනැගීම පිළිබඳ පොදු දැක්මක් නිර්මාණයේදී චීනය සහ රුසියාව අඛණ්ඩව එක්ව කටයුතු කරන බවද එම ප්රකාශයේ වැඩිදුරටත් සඳහන් වී තිබේ.