ක්‍රීඩක ක්‍රීඩිකාවන් සහ ක්‍රීඩාවේ ඔලිම්පික් අභිලාෂයන් ආරක්ෂා කිරීම සඳහා ආරක්ෂක පියවරයන් ගොඩනඟන බැවින්, ජාත්‍යන්තර ක්‍රිකට් කවුන්සිලය ඇමරිකා එක්සත් ජනපදයේ ක්‍රිකට් සාමාජිකත්වය අත්හිටුවා දැමීමට පියවර ගෙන තිබේ.
පසුගිය අඟහරුවාදා (23) නිකුත් කරන ලද මාධ්‍ය නිවේදනයකින් මෙම පියවර නිවේදනය කරන කර තිබුණා.
පසුගිය වසර පුරා කටයුතු පිළිබඳ ගැඹුරු සමාලෝචනයකින් සහ ප්‍රධාන කොටස්කරුවන් සමඟ පුළුල් ලෙස සම්බන්ධ වීමෙන් පසුව, ජාත්‍යන්තර ක්‍රිකට් කවුන්සිලය (ICC), පසුගියදා (23) එක්සත් ජනපදයේ ක්‍රිකට් හි ICC සාමාජික තත්ත්වය වහාම ක්‍රියාත්මක වන පරිදි අත්හිටුවීම තහවුරු කළා.
ICC මණ්ඩලය විසින් මීට පෙර රැස්වීමේදී ගනු ලැබූ තීරණය පදනම් වූයේ, ICC හි ආණ්ඩුක්‍රම ව්‍යවස්ථාව යටතේ ICC සාමාජිකයෙකු ලෙස එක්සත් ජනපද ක්‍රිකට් ආයතනය නැවත නැවතත් සහ අඛණ්ඩව එහි බැඳීම් උල්ලංඝනය කිරීම අධීක්ෂණය කිරීමෙන් අනතුරුවයි.
ක්‍රියාකාරී පාලන ව්‍යුහයක් ක්‍රියාත්මක කිරීමට අපොහොසත් වීම, එක්සත් ජනපද ඔලිම්පික් සහ පැරාලිම්පික් කමිටුව (USOPC) සමඟ ජාතික පාලක මණ්ඩලයේ තත්ත්වය ලබා ගැනීම සඳහා ප්‍රගතියක් නොමැතිකම සහ එක්සත් ජනපදයේ සහ ලොව පුරා ක්‍රිකට් ක්‍රීඩාවට, කීර්ති නාමයට හානි කිරීමට හේතු වූ සැලකිය යුතු ක්‍රියාමාර්ග මෙයට ඇතුළත් වේ.
නමුත් ඒවාට පමණක් සීමා නොවන බවද ජාත්‍යන්තර ක්‍රිකට් කවුන්සිලය පවසනවා.
මෙම අත්හිටුවීම අවාසනාවන්ත නමුත් ක්‍රීඩාවේ දිගුකාලීන අවශ්‍යතා ආරක්ෂා කිරීම සඳහා අවශ්‍ය පියවරක් වන අතර, අත්හිටුවීම හේතුවෙන් ක්‍රීඩක ක්‍රීඩිකාවන්ට සහ ක්‍රීඩාවටම බලපෑමක් නොවන බව සහතික කිරීම ජාත්‍යන්තර ක්‍රිකට් කවුන්සිලයේ ප්‍රමුඛතාවයයි.
ලොස් ඇන්ජලීස් 2028 ඔලිම්පික් ක්‍රීඩා උළෙල (LA28) සඳහා සූදානම් කිරීම් ඇතුළුව ICC ඉසව්වලට සහභාගී වීමේ අයිතිය ඇමරිකා එක්සත් ජනපදයේ ජාතික කණ්ඩායම් රඳවා ගනු ඇතැයි ICC මණ්ඩලය තීරණය කර තිබෙනවා.
ක්‍රීඩකයින්ට අඛණ්ඩ සහයෝගය සහතික කිරීම සහ ඔලිම්පික් ඇතුළත් කිරීම සඳහා ගම්‍යතාව පවත්වා ගැනීම සඳහා ඇමරිකා එක්සත් ජනපද ජාතික කණ්ඩායම්වල කළමනාකරණය සහ පරිපාලනය තාවකාලිකව ICC සහ/හෝ එහි නම් කරන ලද නියෝජිතයින් විසින් අධීක්ෂණය කරනු ලන බවද අදාල නිවේදනයේ ඇතුලත්.
ජාත්‍යන්තර ක්‍රිකට් කවුන්සිලය නිවේදනය කළේ මෙම ප්‍රවේශය ඇමරිකා එක්සත් ජනපදයේ ක්‍රිකට් ක්‍රීඩකයින්ගේ හොඳම අවශ්‍යතා ආරක්ෂා කිරීම සහ ඇමරිකා එක්සත් ජනපදය නියෝජනය කරන ක්‍රීඩකයින්ගේ තත්ත්වය සහ හැකියාවන් ඉහළ නැංවීමට උත්සාහ කරන ඉහළ කාර්යසාධනයක් සහ ක්‍රීඩක සංවර්ධන වැඩසටහනක පැවැත්ම සඳහා හි දැඩි කැපවීම පිළිබිඹු කරන්නක් බවයි.