ශ්‍රී ලංකා තුන් ඉරියව් ක්‍රීඩක වනිඳු හසරංග ටෙස්ට් ක්‍රිකට් ක්‍රීඩාවෙන් සමුගැනීමට තීරණය කර තිබෙනවා.
ඒ සම්බන්ධයෙන් ශ්‍රී ලංකා ක්‍රිකට් වෙත ලිපියක් යවමින් හසරංග සඳහන් කර ඇත්තේ සීමිත පන්දුවාර ක්‍රිකට් ක්‍රීඩාව කෙරෙහි අවධානය යොමු කර ජාතික කණ්ඩායමට තම උපරිම දායකත්වය ලබාදීමේ අරමුණින් මෙම තීරණය ගත් බවයි.
රතු පන්දුවට සමු දෙමින් සුදු පන්දුව සමග තම ඉදිරි ක්‍රිකට් දිවිය ගත කිරීමට තීරණය කර ඇති හසරංග සඳහන් කරන්නේ සීමිත ඕවර තරග රටාවේ විශේෂඥයෙකු ලෙස තම ක්‍රිකට් දිවිය සාර්ථක කර ගැනීම ගැන සිතා මෙම තීරණය ගත් බවත් තම උපරිමයෙන් රටට සේවය කිරීමට බලාපොරොත්තු වන බවත් එම ලිපියේ සඳහන් කර ඇති බවයි වාර්තා වන්නේ.