ජිනීවාහි පැවැත්වෙන එක්සත් ජාතීන්ගේ මානව හිමිකම් කවුන්සිලයේ සැසිවාරයේදී ශ්රී ලංකාව පිළිබඳ යෝජනාවක් ඉදිරිපත් කරන බව ඒ සම්බන්ධයෙන් කටයුතු කරන ප්‍රධාන රටවල් (08) දිනයේදී තහවුරු කර තිබේ.
ජිනීවාහි එක්සත් රාජධානියේ බ්‍රිතාන්‍ය තානාපති සහ නිත්‍ය නියෝජිත ජූලියන් බ්‍රයිට්වයිට් විසින් යෝජනාව ඉදිරිපත් කිරීමට ගත් තීරණය පිළිබඳව ඊයේ එක්සත් ජාතීන්ගේ මානව හිමිකම් කවුන්සිලයට දැනුම් දුන්නේය.
මෙම කණ්ඩායමට කැනඩාව, ජර්මනිය, මොන්ටිනිග්‍රෝ, උතුරු මැසිඩෝනියාව සහ එක්සත් රාජධානිය අයත්ය.
ශ්රී ලංකාවේ සංහිඳියාව, වගවීම සහ මානව හිමිකම් ප්‍රවර්ධනය කිරීම පිළිබඳ යෝජනාවක් සභාවට ඉදිරිපත් කරන බව මෙහිදී බ්‍රයිට්වයිට් පවසා ඇත.