මෙම වසරේ පලමු මාස 7 තුළ ඇමරිකානු ඩොලර් මිලියන 228ක් වටිනා එළවළු ආනයනය කර ඇත. මෙය පසුගිය වසරේ පලමු මාස 7 තුළ සිදු කරන ලද එළවළු ආනයනයට වඩා 38% ක වැඩි වීමකි.
කොරෝනා වෛරසය ව්‍යාප්තිය හේතුවෙන් රට තුළ ඇඳිරි නීතිය ක්‍රියාත්මක වූ කාලවකවානුව ද සඳහන් කළ මාස 7 තුළ අඩංගු වේ.
මෙම කාලවකවානුව තුළ කිරි නිෂ්පාදිත ආනයනය, පසුගිය වසරේ පලමු මාස 7 කාලයට වඩා 15.6%කින් ඉහළ ගොස් තිබේ.
මේ වසරේ පලමු මාස 7 තුළ සිදු වූ විදේශ අංශයේ කටයුතු සම්බන්ධයෙන් සකස් කරන ලද වාර්තාව ශ්‍රී ලංකා මහ බැංකුවට ඉදිරිපත් කර ඇත. ඒඅනූව පසුගිය වසරේ පලමු මාස 7 සමඟ සසඳන විට, මෙම වසර පලමු මාස 7 තුළ රටේ ආදායම 21.4% කින් අඩු වී තිබේ.
මෙම කාලය තුළ ආනයනය සඳහා වන වියදමද 20.07%කින් අඩු වී ඇති බව මහ බැංකු වාර්තාවේ සඳහන් වේ.