ඩුබායි හි ඔටුන්න හිමි කුමරු සහ ඩුබායි විධායක සභාවේ සභාපති ෂෙයික් හම්දාන් බින් මොහොමඩ් බින් රෂීඩ් අල් මක්ටූම් ඩුබායි හි පිහිටි සිය නිවසේ වාහන නැවැත්වීමේ ස්ථානයේ දී සිය මර්සිඩීස් SUV රථයේ කුරුල්ලෙක් කූඩුවක් සාදා ඇති බව දැනගත් පසු එම කුරුල්ලන්ට බාධාවක් නොවනු පිණිස රථය භාවිතාව තාවකාලිකව අත්හිටුවා ඇත.
ඩුබායි හි ඔටුන්න හිමි කුමරු හම්දාන්, මේ මස මුලදී කුරුල්ලෙක් කූඩුවක් තැනීමේ වීඩියෝවක් සහ ඡායාරූප සිය ඉන්ස්ටග්‍රෑම් හරහා බෙදා ගත්තේ ය. එක්සත් අරාබි එමීර් රාජ්‍යයේ රාජකීයන් ඔවුන්ගේ ත්‍යාගශීලීභාවය සහ මානුෂීය අභිනයන් සඳහා ප්‍රසිද්ධය. රාජකීයන් පවුල් සාරධර්ම ආරක්ෂා කරමින් සිටින අතර තරුණයින් තුළ මෙම මූලධර්මය උගන්වයි.
