Site icon srihanda.lk | Sri Handa News Official Web Site|Sri Lanka News|News Sri Lanka|Online Sinhala News

තවත් ශ්‍රී ලාංකිකයන් 261 දෙනෙකු ලබන 18 වැනිදා රැකියා සඳහා ඊශ්‍රායලය බලා පිටත්ව යයි!

තවත් ශ්‍රී ලාංකිකයන් 261 දෙනෙකු රැකියා සඳහා ඊශ්‍රායලය බලා පිටත්ව යාමට නියමිතයි
​ශ්‍රී ලාංකික ශ්‍රමිකයන් 261 දෙනෙකුගෙන් යුත් තවත් කණ්ඩායමක් ලබන 18 වැනිදා ඊශ්‍රායලය බලා පිටත්ව යාමට නියමිතව තිබේ.
​මෙම පිරිසෙන් 158 දෙනෙකු හෝටල් හා ආපනශාලා (අවන්හල්) ක්ෂේත්‍රයේ රැකියා සඳහාත්, සෙසු 103 දෙනා ගෘහ පාලන, නිෂ්පාදන සහ කෘෂිකාර්මික යන අංශවල රැකියා සඳහාත් යොමු කිරීමට නියමිතය.
​ශ්‍රී ලංකා විදේශ සේවා නියුක්ති කාර්යාංශය සඳහන් කළේ මේ වසර තුළදී පමණක් ශ්‍රී ලාංකිකයන් 2,994 දෙනෙකු රැකියා සඳහා ඊශ්‍රායලය බලා පිටත්ව ගොස් ඇති බවයි. ඒ අනුව, රාජ්‍ය සහ පෞද්ගලික බඳවා ගැනීමේ නියෝජිතායතන හරහා මේ දක්වා ඊශ්‍රායලයේ රැකියා සඳහා පිටත්ව ගොස් ඇති සමස්ත ශ්‍රී ලාංකිකයන් සංඛ්‍යාව 14,349 දෙනෙකි.
​මේ අතර, 2027 වසරේ ජනවාරි මාසයේ සිට ශ්‍රී ලාංකික ශ්‍රමිකයන් ඊශ්‍රායලයේ රැකියා සඳහා යොමු කිරීමේ සම්පූර්ණ වගකීම ශ්‍රී ලංකා රජය විසින් භාර ගැනීමට නියමිත බවද එම කාර්යාංශය වැඩිදුරටත් පවසයි.

Exit mobile version