යල කන්නයට අදාළ පොහොර සහනාධාරය ලියාපදිංචි ගොවීන්ගෙන් සියයට 90කට වැඩි පිරිසකට මේ වන විට ලබාදී අවසන් කර ඇති බව ගොවිජන සංවර්ධන දෙපාර්තමේන්තුව නිල වශයෙන් ප්රකාශ කරයි.
වත්මන් යල කන්නය සඳහා රජය ක්රියාත්මක කළ පොහොර සහනාධාර වැඩසටහන සාර්ථකව ඉදිරියට ගෙන යමින් පවතින බවද එම දෙපාර්තමේන්තුව සඳහන් කරයි. ඒ අනුව දිවයින පුරා සිටින ලියාපදිංචි ගොවීන්ගෙන් බහුතරයකට අදාළ සහනාධාර ප්රතිලාභ සෘජුවම හිමිව තිබේ.
කෘෂිකාර්මික කටයුතු බාධාවකින් තොරව පවත්වාගෙන යාම සහ ගොවි ජනතාව දිරිමත් කිරීම මෙම වැඩසටහනේ ප්රධාන අරමුණ බවද දෙපාර්තමේන්තුව පෙන්වා දෙයි.
දිස්ත්රික් මට්ටමින් ක්රියාත්මක කළ ක්රමවත් බෙදාහැරීමේ වැඩපිළිවෙළ හේතුවෙන් මෙම ප්රගතිය අත්කර ගැනීමට හැකි වූ බව සඳහන් කරන ගොවිජන සංවර්ධන දෙපාර්තමේන්තුව, මෙතෙක් සහනාධාරය ලබා නොගත් ඉතිරි සියයට 10ක පමණ ප්රතිලාභීන් වෙතද එය කඩිනමින් ලබාදීමට කටයුතු සූදානම් කර ඇති බව පවසා සිටී.
ඒ අනුව ඉදිරි දින කිහිපය තුළ පොහොර සහනාධාර බෙදාහැරීමේ කටයුතු සම්පූර්ණයෙන් අවසන් කිරීමට අපේක්ෂා කරන බවද ගොවිජන සංවර්ධන දෙපාර්තමේන්තුව වැඩිදුරටත් සඳහන් කරයි.