බංග්ලාදේශයේ රෝහින්ග්යා සරණාගත කඳවුරුවල මානුෂික අවදානම සහ සන්නද්ධ කණ්ඩායම්වල ප්රචණ්ඩත්වය වර්ධනය වෙමින් පවතින බව වාර්තා වේ.
විශේෂයෙන් මියන්මාරයෙන් පලා ආ රෝහින්ග්යා සරණාගතයන් ලක්ෂ 11ක් පදිංචි වි සිටින ලොව විශාලතම සරණාගත කඳවුර ලෙස සැලකෙන කොක්ස් බසාර් හි නීතිවිරෝධී ක්රියාකාරකම් වෙත හුරුවන රෝහින්ග්යා සන්නද්ධ කණ්ඩායම් අතර පවතින ගැටුම් හේතුවෙන් තවදුරටත් හුදෙකලා අපරාධ, බලපෑම් ඉහළ යමින් පවතින බව විදෙස් මාධ්ය වාර්තා කරයි. මියන්මාරයේ අරකන් දිස්ත්රික්කය කේන්ද්ර කරගත් අරකන් රෝහින්ග්යා හමුදාව සහ අරකන් රෝහින්ග්යා සංවිධානය අතර ආගමික ගැටුම් වර්ධනය වීමෙන් වෙඩි තැබීම් සහ පහරදීම් වැනි ප්රචණ්ඩ ක්රියා ව්යාප්ත වී තිබේ.
එරට ගැටුම් කළමනාකරණ ආයතනය විසින් රැස් කරනු ලැබූ දත්ත සංඛ්යාලේඛනවලට අනුව මේ වසරේ මැයි මස 24 වැනිදා දක්වා රෝහින්ග්යා සරණගත කඳවුරු කේන්ද්ර කරමින් සිදුවූ ප්රචණ්ඩ ක්රියාවලින් පුද්ගලයන් සිවුදෙනකු ජිවිතක්ෂයට පත්වී ඇතැයි වාර්තා වේ. මීට පෙර 2025 වසර ඇතුළත එවැනි ප්රචණ්ඩ ක්රියාවලින් රෝහින්ග්යා සරණාගතයන් 37 දෙනකු ඝාතනයට ලක් වී ඇති අතර, 2024 වසරේදී එම සංඛ්යාව 42ක් වූ බව විදෙස් මාධ්ය සඳහන් කරයි.