ශ්රී ලංකා රක්ෂණ නියාමන කොමිෂන් සභාව (IRCSL), ශ්රී ලංකා රක්ෂණ සංගමය (IASL) සමඟ එක්ව, ශ්රී ලංකාවේ රක්ෂණ කර්මාන්ත සංවර්ධන මාර්ග සිතියම, මහජන ආරක්ෂාව සහ පාර්ලිමේන්තු කටයුතු අමාත්ය ආනන්ද විජේපාල මහතාගේ ප්රධානත්වයෙන් ඉකුත් අඟහරුවාදා (21) කොළඹදී එළිදැක් විය.
IRCSL අධ්යක්ෂ ජනරාල් දමයන්ති ප්රනාන්දු මහත්මිය විසින් රක්ෂණ කර්මාන්ත සංවර්ධන මාර්ග සිතියම නිල වශයෙන් එළිදැක් වූ අතර, ශ්රී ලංකා රක්ෂණ නියාමන කොමිෂන් සභාව (IRCSL), ශ්රී ලංකා රක්ෂණ සංගමය (IASL) සහ ශ්රී ලංකා පොලිස් දෙපාර්තමේන්තුව සමඟ සහයෝගයෙන්, ශ්රී ලංකාවේ පළමු ඩිජිටල් මෝටර් රථ රක්ෂණ කාඩ්පත නිල වශයෙන් එළිදැක්වීම මෙහි දී සිදු කෙරුණී. මෙමගින් පෙර පැවති සාම්ප්රදායික ප්ලාස්ටික් මෝටර් රථ රක්ෂණ කාඩ්පත වෙනුවට ඩිජිටල් මෝටර් රථ රක්ෂණ කාඩ්පතක් සෑම මෝටර් රථ රක්ෂණ හිමියෙකුට ලැබෙන අතර, එය මාර්ගගතව බාගත කිරීමට (Download)ද හැකියාව ඇත. මෙම ක්රියාවලිය එළඹෙන මැයි 1වැනිදා සිට ක්රියාත්මක කිරීමට අපේක්ෂා කෙරේ.
මෙම මුලපිරීම මෝටර් රථ රක්ෂණ පරිසර පද්ධතිය නවීකරණය කිරීම, ජාතික ඩිජිටල්කරණය ඉදිරියට ගෙන යාම සහ මහජන ආරක්ෂාව ශක්තිමත් කිරීම සඳහා සැලකිය යුතු පියවරක් නියෝජනය කරයි. භෞතික ප්ලාස්ටික් කාඩ්පත් ප්රතිස්ථාපනය කිරීමෙන්, එය රට පුරා පාරිසරික තිරසාරභාවයටද මෙම වැඩසටහන දායකත්වය ලබා දෙයි.
මේ සම්බන්ධව නිල මාධ්ය නිවේදනය ශ්රී ලංකා රක්ෂණ නියාමන කොමිෂන් සභාව විසින් එළඹෙන අප්රේල් 27 දින නිකුත් කිරීමට අපේක්ෂා කෙරේ.