ඉරානය, අමෙරිකා එක්සත් ජනපදය සහ ඊශ්රායලය අතර වර්ධනය වෙමින් පවතින ගැටුම්කාරී තත්ත්වය හේතුවෙන් ලෝකය මෙතෙක් මුහුණ දුන් දරුණුතම බලශක්ති අර්බුදය නිර්මාණය වෙමින් පවතින බව ජාත්යන්තර බලශක්ති ඒජන්සියේ (IEA) ප්රධානියා අනතුරු අඟවයි.
‘France Inter’ ගුවන් විදුලිය සමඟ පැවති සම්මුඛ සාකච්ඡාවකදී IEA ප්රධානී බිරෝල් (Birol) මහතා ප්රකාශ කළේ, මෙය සැබවින්ම ඉතිහාසයේ දැවැන්තම අර්බුදය බවයි. රුසියාව සමඟ ඇති වූ පෙට්රල් සහ ගෑස් අර්බුදයේ බලපෑම්වලට මෙම නව මැදපෙරදිග අර්බුදය ද එකතු වීමෙන් තත්ත්වය තවදුරටත් බරපතළ වී ඇති බව ඔහු පෙන්වා දෙයි.
වත්මන් ගැටුම හේතුවෙන් ලොව ප්රධානතම බලශක්ති ප්රවාහන මාර්ගයක් වන ‘හෝමූස් සමුද්ර සන්ධියේ’ (Strait of Hormuz) නාවික ගමනාගමනය අඩාල වී තිබේ. ලෝකයේ සමස්ත තෙල් සහ ද්රව ස්වභාවික වායු (LNG) සැපයුමෙන් පහෙන් එකක් ප්රවාහනය කරනු ලබන්නේ මෙම මාර්ගය හරහාය. මෙම මාර්ගය අවහිර වීම ගෝලීය බලශක්ති සුරක්ෂිතතාවයට සෘජු තර්ජනයක් එල්ල කර ඇත.
බිරෝල් මහතා වැඩිදුරටත් සඳහන් කළේ 1973 සහ 1979 වසරවල පැවති තෙල් අර්බුද මෙන්ම 2022 වසරේ යුක්රේන යුද්ධය සමඟ ඇති වූ අර්බුද සියල්ලෙහි එකතුවටත් වඩා වත්මන් තත්ත්වය දරුණු වනු ඇති බවයි.