අල්ලස් හෝ දූෂණ චෝදනා විමර්ශන කොමිෂන් සභාව මගින් අත්අඩංගුවට ගෙන අධිකරණයට ඉදිරිපත් කළ හිටපු අමාත්ය කෙහෙළිය රඹුක්වැල්ල මහතාගේ වැඩිමහල් දියණිය වන චමිත්රි රඹුක්වැල්ල ඇප මත මුදාහැරීමට අධිකරණයට නියෝග කර තිබෙනවා.
ඒ, කොළඹ ප්රධාන මහේස්ත්රාත්වරයාගේ නිල මැදිරියට ඊයේ (06) පස්වරුවේ ඉදිරිපත් කිරීමෙන් අනතුරුවයි.
එහිදී ඉදිරිපත් වූ කරුණු සලකා බැලූ මහේස්ත්රාත්වරයා, සැකකාරිය රුපියල් මිලියන 5 බැගින් වූ ශරීර ඇප දෙකක් මත මුදාහරින්නැයි නියෝග කළ බව අද දෙරණ අධිකරණ වාර්තාකරු පැවසුවා.
හිටපු අමාත්ය කෙහෙළිය රඹුක්වැල්ල විසින් අයථා ලෙස උපයන ලද මුදල් විශුද්ධීකරණය කිරීමට සහය සහ ආධාර අනුබල ලබාදීමේ චෝදනාවට අදාළව ඔහුගේ වැඩිමහල් දියණිය අත්අඩංගුවට ගෙන තිබුණා.