ග්රාම නිලධාරිනියකට බැණ තර්ජනය කිරීමේ සිද්ධියක් සම්බන්ධව අත්අඩංගුවට ගත් ජාතික ජනබලවේග පුත්තලම ප්රාදේශීය සභා මන්ත්රීවරයා ලක්ෂ 05ක ශරීර ඇපයයක් මත නිදහස් කිරීමට පුත්තලම වැඩබලන මහේස්ත්රාත්වරිය නියෝග කළා.
නියෝගය ලබා දෙමින් මහේස්ත්රා දයානි සන්ධ්යා රත්නායක මහත්මිය සැකකරුට සෑම මසකම අවසන් ඉරු දින මුන්දලම පොලීසියේ පෙනී සිටින ලෙසත් කොන්දේසියක්ද පනවනු ලැබුවා.
එමෙන්ම නඩුව 2026.08.05 වැනි දින යළි කැඳවීමටද මහේස්ත්රාත්වරිය මෙහිදී නියෝග කළා.
මෙලෙස ඇප මත නිදහස් වූයේ පුත්තලම ප්රාදේශීය සභාවේ මංගලඑළිය කොට්ඨාසය නියෝජනය කරමින් සිටි විමල් රෝහණ නම් අයෙක්.
ඉකුත් 5වනදා තමන් ආපදා රාජකාරි කටයුතු සඳහා යතුරුපැදියෙන් ගමන්කරමින් සිටි අවස්ථාවේ අදාළ මන්ත්රීවරයා පැමිණි කුඩා ලොරි රථයක ගැටී අනතුරක් සිදුවූ බවත්, එම අවස්ථාවේදී මන්ත්රීවරයා තමන්ට බැන වැදුණු බවත් ග්රාම නිලධාරීවරිය පොලීසියට පවසා තිබේ.
තමන් මේ බව මුන්දලම ප්රාදේශීය ලේකම්වරිය දැනුම්වත්කළ බව ඇය පවසයි.
ඒ අතරවාරයේ ඉකුත් 8 වනදා පැවති ආපදා කමිටු රැස්වීමෙන් පසුවද අදාළ මන්ත්රීවරයා තමන්ට දුරකථනයෙන් කථාකර බැන වැදුණු බවද ග්රාම නිලධාරීනිය පොලීසියට පවසා තිබේ.
ලැබී තිබූ පැමිණිල්ල සඳහා සිදුකළ කැඳවීමක් අනුව මන්ත්රීවරයා අද පෙරවරුවේ මුන්දලම පොලීසියට පැමිණ ඉදිරිපත්වීමෙන් පසුව අත්අඩංගුවට ගැනීම සිදුවිය.