රුපියල් කෝටි 200කට අසන්න වටිනාකමකින් යුත් හෙරෝයින් කිලෝ ග්රෑම් 54කට ආසන්න ප්‍රමාණයක් සමඟ අඹුසැමි යුවළක් පොලිස් විශේෂ කාර්ය බළකාය විසින් අත්අඩංගුවට ගෙන තිබෙනවා.
ඔවුන් අත්අඩංගුවට ගෙන ඇත්තේ පොලිස් විශේෂ කාර්ය බළකා විශේෂ මෙහෙයුම් අංශ තුනේහි නිලධාරීන් කණ්ඩායමක් විසින් සෙවණගල නුගේ ගලයාය, කිරිවැව ප්‍රදේශයේදීයි. එහිදී නිවස හා භුමිය පරික්ෂා කිරිමේදී එම මිදුලේ වලදමා තිබියදි සොයාගත් ප්ලාස්ටික් බහාලුම් තුනක් තුළ සුක්ෂමව සඟවා තිබූ හෙරොයින් කිලෝ 53යි ග්රෑම් 65ක් සොයා ගෙන තිබෙනවා.
සැකකරුවන් වැඩිදුර විමර්ශන කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාරදී තිබෙනවා.
මේ අතර අත්අඩංගුවට ගත් සැකකාරිය පසුගිය බදාදා (30) දිනයේ පොලිස් විශේෂ කාර්ය බළකාය නිලධාරින් විසින් පිළියන්දල ප්‍රදේශයේදී හෙරොයින් සමඟින් අත්අඩංගුවට ගත් ඕමල්පගේ ධම්මික සමන්කුමාරගේ සහෝදරිය බවට වැඩිදුර විමර්ශනවලදී අනාවරණය වී ඇති බවද සඳහන්.