ශ්‍රී ජයවර්ධනපුර විශ්වවිද්‍යාලයේ ප්‍රතිශක්තිවේද සහ අණුක වෛද්‍ය විද්‍යා අධ්‍යයන අංශයේ මහාචාර්ය නීලිකා මලවිගේ ලෝක සෞඛ්‍ය සංවිධානයේ තාක්ෂණික උපදේශක කණ්ඩායමේ සාමාජිකයෙකු ලෙස තෝරාගෙන තිබේ.
එම කණ්ඩායම ලොව පුරා සිටින කොවිඩ්-19 පිළිබඳ විශේෂඥයින් වන වෛද්‍යවරුන් සහ පර්යේෂකයින් 10 දෙනෙකුගෙන් සමන්විත වෙයි.
COVID-19 තාක්‍ෂණ ප්‍රවේශ සංචිතයට (C-TAP) සම්බන්ධ විද්‍යාත්මක, තාක්ෂණික සහ උපාය මාර්ගික කරුණු පිළිබඳව උපදෙස් දීමට ලෝක සෞඛ්‍ය සංවිධානය විසින් එම තාක්ෂණික උපදේශක කණ්ඩායම පත් කරනු ලැබ තිබේ.
ඒ අනුව, 2021 වසරේ සිට 2023 වසර දක්වා වසර දෙකක කාලයක් සඳහා එම කණ්ඩායම පත් කර ඇති බව ලෝක සෞඛ්‍ය සංවිධානය පැවසී ය.