ත්‍රිකුණාමලය නගරයේ පිහිටි හෝටලයකදී පිරිමින් 63 දෙනෙකු, කාන්තාවක් සහ අවුරුදු 4 ක කුඩා දරුවෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශකවරයා පැවසීය.
නීති විරෝධී ලෙස මුහුදු මාර්ගය හරහා නවසීලන්තයට සංක්‍රමණය වීමට, ත්‍රිකුණාමලයේ පිහිටි නවාතැන්පළක නවාතැන් ගෙන සිටි කණ්ඩායමක් මෙලෙස අත්අඩංගුවට ගෙන ඇති බව දැනගන්නට ලැබිණි.
දිවයිනේ විවිධ ප්‍රදේශවල පදිංචි පුද්ගලයින් මෙසේ අත්අඩංගුවට පත් වී ඇති බවද ප්‍රකාශයට පත් කර ඇත.
අපරාධ පරීක්ෂණ දෙපාර්තමේන්තුවට ලැබුණු තොරතුරක් මත ක්‍රියාත්මක කළ වැටලීමකදී අදාළ පුද්ගලයින් අත්අඩංගුවට ගැනීම සිදු කර ඇත.