2020-12-21 දින මිය ගිය සායින්තමරුතු හි මුහම්මද් ඉස්මයිල් මුහම්මද් හනීෆා යන අයගේ මෘත ශරීරය අධිකරණය නියෝගයක් මත 15 දා රාත්‍රියේ ඔහුගේ පවුලට භාර දෙන ලදී.
කොරෝනා වෛරස් ආසාදනයකින් මියගිය බව පැවසූ ඔහුගේ සිරුර ඔහුගේ පවුලේ අයට භාර නොදී පසුගිය දින 25 ක් තිස්සේ කල්මුණේ අෂ්රෆ් රෝහලේ මෘත ශරීරාගාරයේ තබා තිබුණි. ප්‍රතිදේහජනක පරීක්ෂණයකින් ඔහු කොරෝනා වයිරසය ආසාදනය වී ඇති බව රෝහල පවසා ඇත.
දියවැඩියා රෝගය දරුණු අතට හැරීම මගින් ඇති වූ හෘදයාබාධයක් හේතුවෙන් 2020-12-21 දින කල්මුණේ අෂ්රෆ් අනුස්මරණ රෝහලට ඇතුළත් කළ ඔහු ටික වේලාවකින් මිය ගියේය. ඒ සමගම, මෘත දේහයට ප්‍රතිදේහ ජනක පරීක්ෂණයක් සිදු කළ අතර එමගින් කෝවිඩ් ආසාදනය වී ඇති බව හඳුනා ගන්නා ලදී.
පසුකාලීන PCR පරීක්ෂණ වාර්තාව මඩකලපුවේ විශේෂ වසංගත රෝග විද්‍යාඥයෙකු විසින් රෝහලේ අධිකාරී වෙත යවා ඇත. ඒ අනුව ශරීරයේ කොවිට් ආසාදනයක් නොමැති බව තහවුරු වී තිබේ.
මීට අමතරව, එම පුද්ගලයාගේ ඥාතීන් සහ ආශ්‍රිතයින් වශයෙන් පුද්ගලයින් 125 දෙනෙකුට PCR පරීක්ෂණ සිදු කරන ලදී. තවද ප්‍රතිදේහජනක පරීක්ෂණ මගින් ද කිසිවෙකු ආසාදනය වී නොමැති බව තහවුරු විය. පසුව ඔහුගේ දේහය භූමදානය සඳහා භාර දෙන ලෙස ඔහුගේ පවුලේ අය ඉල්ලීමක් කළ නමුත් එම ඉල්ලීම රෝහල් පරිපාලනය ප්‍රතික්ෂේප කරන ලදී.
මෙහිදී කල්මුණේ නගරාධිපති ජ්‍යෙෂ්ඨ අධිනීතිඥ ඒ. එම්. රකීබ් පෙත්සමක් ගොනු කරමින් කියා සිටියේ මිය ගිය අය කොරෝනා ආසාදනයෙන් මිය ගිය නොමැති බවත් ඔහුගේ PCR වාර්තාව ඉදිරිපත් කළ යුතු බවත් කොරෝනා වෛරසය ආසාදනය තහවුරු නොවූයේ නම් ඔහුගේ දේහය පවුලේ ඥාතීන්ට භූමදානය සඳහා භාර දිය යුතු බවත්ය. ඔහු පසුගිය සිකුරාදා, හදිසි මරණ පරීක්ෂණයක් සඳහාද පෙත්සමක් ගොනු කර තිබුණි.
මෙයට පෙර, උසාවියේ නියෝගය මත ඉදිරිපත් කළ එම පුද්ගලයාගේ PCR 2021-01-08 දින වාර්තාවට අනුව ඔහුට කොරෝනා වෛරසය ආසාදනය වී නොමැති බවත් අදාළ පුද්ගලයාගේ මරණය දියවැඩියාවේ අධික බලපෑම නිසා ඇති වූ හෘදයාබාධයක් නිසා ඇති වූවක් බවත් අනාවරණය විය. ඒ අනුව එදිනම ඔහුගේ මෘත දේහය පවුලේ ඥාතීන්ට භාර දෙන ලදුව භූමදාන කටයුතු සායින්දමරුදු මුස්ලිම් සුසාන භූමියේදී සිදු කරන ලදී.