බලශක්ති අමාත්යාංශයට අදාළව 2026 වසරේ වෙන් කෙරුණු අයවැය ප්රතිපාදන මත ක්රියාත්මක ව්යාපෘතිවල ප්රගතිය සමාලෝචනය සහ 2027 අයවැය පූර්ව සාකච්ඡාවක් ජනාධිපති අනුර කුමාර දිසානායක මත්තාගේ ප්රධානත්වයෙන් අද (15) පෙරවරුවේ ජනාධිපති කාර්යාලයේදී පැවැත්විය.
බලශක්ති අමාත්යාංශය විසින් 2026 අයවැය ප්රතිපාදන යටතේ ක්රියාත්මක කරන ලද ව්යාපෘතිවල ප්රගතිය, මේ වසරේ අවසන් කළ හැකි ව්යාපෘති සහ ඉදිරි වසරේ ප්රතිපාදන අවශ්යතා පිළිබඳවයි මෙහිදී පුළුල් ලෙස විමසා බැලුණේ.
ඩෙල්ෆ්, අනලතිව් සහ නයනතිථී යන දූපත්වල ක්රියාත්මක වෙමින් පවතින දෙමුහුන් පුනර්ජනනීය බල ශක්ති පද්ධති (Hybrid Renewable Energy System-HRES) ව්යාපෘතියේ ප්රගතිය මෙහිදී විමසා බැලූ ජනාධිපතිවරයා එම දුපත් හරිත බලශක්ති දූපත් ලෙස සංවර්ධනය සහ ප්රවර්ධනය කිරීමට අවධානය යොමු කරන ලෙස නිලධාරීන්ට උපදෙස් දි ඇත.
එමෙන්ම, ජයිකා ආධාර යටතේ ආරම්භ කර, පසුගිය ආර්ථික අර්බුදය හමුවේ අතරමග නවතා දමන ලද, බලශක්ති ව්යාපෘති යළි ආරම්භ කිරීම පිළිබඳව ද මෙහිදී අවධානය යොමු කෙරුණු අතර ඒ වෙනුවෙන් වූ 2027 අයවැය ප්රතිපාදන අවශ්යතා පිළිබඳවද සාකඡා කෙරුණා.
දැනට ක්රියාත්මක වන කෙරවලපිටිය සිට කොළඹ වරාය දක්වා දෙවන භූගත විදුලි සම්ප්රේෂණ මාර්ගය (220 kV), සාම්පූර් -කප්පල්තුරෙයි විදුලි සම්ප්රේෂණ සංවර්ධන ව්යාපෘතිය, නව හබරණ – කප්පල්තුරෙයි විදුලි සම්ප්රේෂණ සංවර්ධන ව්යාපෘතිය – CEATP, පාදුක්ක 220kV ජාල උපපොළ (GSS) STATCOM ස්ථාපනය කිරීම, වහල මත සව් කරන සූර්ය බල ශක්ති එකතු කිරීමේ සහ අතථ්ය ශුද්ධ මිනුම් ව්යාපෘතිය (Virtual Net Metering Project) ඇතුළු දැනට ක්රියාත්මක සහ ඉදිරියේදී ආරම්භ කිරීමට නියමිත ප්රධාන ව්යාපෘතිවල ප්රගතිය සහ ඉදිරි සැලසුම් පිළිබඳවයි ජනාධිපතිවරයා මෙහිදී විමසා බැලුවේ.
ඛනිජ තෙල් ක්ෂේත්රයේ දැනට ක්රියාත්මක ප්රධාන ව්යාපෘති වන කොලොන්නාව තෙල් ගබඩා සංකීර්ණය තුළ අලුතින් ටැංකි 06ක් ඉදිකිරීම, මුතුරාජ වෙල ඉන්ධන ගබඩා සංකීර්ණයේ නව ටැංකි 02ක් ඉදිකිරීම සහ ඉන්ධන පහසුකම් පුළුල් කිරීමේ ව්යාපෘතිය, කොලොන්නාව තෙල් ගබඩා සංකීර්ණයේ ටැංකි ප්රතිෂ්ඨාපනය කිරීම, කොලොන්නාව තෙල් ගබඩා සංකීර්ණයේ 07 වන කලාපයේ පිරවුම් පහසුකම් සංවර්ධනය කිරීම ඇතුළු ව්යාපෘති 14ක ප්රගතිය සහ ඉදිරි ප්රතිපාදන අවශ්යතා වීමයා බැලූ ජනාධිපතිවරයා මෙම සියලු ව්යාපෘති නිසි කාලය තුළ අවසන් කර ජනතාවට ප්රතිලාභ සලසා දීමේ වැදගත්කම වැඩිදුරටත් අවධාරණය කර තිබේ.