පසුගිය පැය කිහිපය තුළ ඊශ්රායලය විසින් ලෙබනනය ඉලක්ක කරමින් එල්ල කරන ලද දැවැන්ත ප්රහාර මාලාවක් හේතුවෙන් පුද්ගලයින් 32 දෙදෙනෙකු ජීවිතක්ෂයට පත්ව තිබේ.
විදෙස් මාධ්ය වාර්තාවලට අනුව, දෙපාර්ශවය අතර ප්රකාශයට පත් කර ඇති නව සටන් විරාම කාලසීමාව තුළ පමණක් මේ වන විට ලෙබනන වැසියන් 83 දෙනෙකු මියගොස් ඇති අතර, තවත් පුද්ගලයින් 141 දෙනෙකු බරපතළ තුවාල ලබා ඇති බව තහවුරු කර ඇත.
මෙම හමුදා ක්රියාමාර්ග සම්බන්ධයෙන් දැඩි විරෝධය පළ කරන ඉරාන රජය චෝදනා කරන්නේ, ඊශ්රායලය අඛණ්ඩව ලෙබනනයට ප්රහාර එල්ල කරමින් දෙපාර්ශවය අතර ඇති කරගත් සටන් විරාම අවබෝධතා ගිවිසුමේ කොන්දේසි සෘජුවම උල්ලංඝනය කරමින් සිටින බවයි. ඊශ්රායලයේ මෙම ක්රියාකලාපයට ප්රතිචාර දැක්වීමක් වශයෙන්, ජාත්යන්තර වෙළඳාමට අතිශය වැදගත් සන්නිවේදන මාර්ගයක් වන ‘හෝමූස් සමුද්ර සන්ධිය’ (Strait of Hormuz) යළි වසා දැමීමට ඉරානය ඊයේ දිනයේදී පියවර ගෙන තිබේ.
පසුගිය මාර්තු මාසයේ සිට මේ දක්වා කාලය තුළ ඊශ්රායලය විසින් ලෙබනනය වෙත එල්ල කරන ලද ප්රහාර හේතුවෙන් මියගොස් ඇති සමස්ත පුද්ගලයින් සංඛ්යාව 4,000 ඉක්මවා ගොස් ඇත. පවතින සටන් විරාම එකඟතා මධ්යයේ වුවද, කලාපීය ආරක්ෂාව සහ ස්ථාවරත්වය තවදුරටත් දැඩි අවදානමකට ලක්ව ඇති බව විදෙස් විශ්ලේෂකයෝ පෙන්වා දෙති.