කුඩා තේ වතු අංශයේ නව පෙරළියක් ඇති කරමින් ස්ථාපිත කරන ලද “පුනර්ජනනීය කෘෂිකර්මාන්ත ඩිජිටල් සම්පත් මධ්යස්ථාන” කුඩා තේ වතු සංවර්ධන අධිකාරිය වෙත නිල වශයෙන් භාරදීම සිදු කර තිබේ.
ඒ පසුගියදා හන්තාන රත්නසිරි වික්රමනායක ජාතික පුහුණු මධ්යස්ථානයේදීයි.
මෙය 06 වන ආසියානු තේ සන්ධානයට සමගාමීවයි සිදු කළේ .
කුඩා තේ වතු සංවර්ධන අධිකාරියේ හන්තාන පුහුණු මධ්යස්ථානය, ප්රධාන කාර්යාලය සහ ගාල්ල (වලහන්දූව) ප්රාදේශීය කාර්යාලය කේන්ද්ර කරගනිමින් මෙම නවීන ඩිජිටල් සම්පත් මධ්යස්ථානයන් සංවර්ධනය කර තිබෙනවා.
ඒ ‘Solidaridad’ සහ ‘Nucleus Foundation’ යන ජාත්යන්තර ආයතනයන්හි පූර්ණ මූල්ය හා තාක්ෂණික අනුග්රහය යටතේයි.
මෙම ව්යාපෘතියේ මූලික අරමුණ වන්නේ කුඩා තේ වතු අංශයේ ගුණාත්මක පුනරුදයක් ඇති කිරීම සහ කුඩා තේ වතු හිමියන් වෙත පුනර්ජනනීය කෘෂිකර්මය පිළිබඳ නව දැනුම සහ තාක්ෂණික අවබෝධය ලබාදීමයි.
එමඟින් ශ්රී ලංකා තේ පර්යේෂණ ආයතනය මගින් සොයාගනු ලබන නව විද්යාත්මක දැනුම කෙටි කාලයක් තුළ කාර්යක්ෂමව ගොවි ජනතාව වෙත සන්නිවේදනය කිරීමද අපේක්ෂිතයි.
තවද, කුඩා තේ වතු හිමියන්ගේ ප්රතිපෝෂණ (Feedback) ලබාගැනීම සඳහා නව ඩිජිටල් ක්රමවේද භාවිතා කිරීම, මුද්රිත මාධ්ය භාවිතය අවම කර සමාජ මාධ්ය හරහා තාක්ෂණික දැනුම ව්යාප්ත කිරීම සහ පුහුණු කරන්නන් පුහුණු කිරීමේ (Training of Trainers) මධ්යස්ථානයක් ලෙස මෙම මධ්යස්ථාන භාවිතා කිරීමද මෙහි අරමුණ වනවා.
මෙම අවස්ථාවට ශ්රී ලංකාවේ නෙදර්ලන්ත වැඩබලන තානාපති අයිවන් රුට්ජන්ස් (Iwan Rutjens) මහතා, වැවිලි හා ප්රජා යටිතල පහසුකම් අමාත්යාංශයේ ලේකම් ගුණදාස සමරසිංහ මහතා, කුඩා තේ වතු සංවර්ධන අධිකාරිය සභාපති නිමල් උඩුගම්පල මහතා ඇතුළු කුඩා තේ වතු සංවර්ධන අධිකාරියේ නිලධාරින් පිරිසක් ද, Solidaridad ආයතනයේ කළමනාකරණ අධ්යක්ෂ ආචාර්ය ශතදෘ චට්ටෝපාධායේ (Dr. Shatadru Chattopadhayay) මහතා ඇතුළු නියෝජිතයන්, ශ්රී ලංකා නියෝජිත මැලොරි ඩේවිඩ් (Malory David) මහතා, Nucleus Foundation අධ්යක්ෂ ඩේව් මොරිස් (Dave Morris) මහතා ඇතුළු දෙස් විදෙස් ආරාධිතයින් රැසක්ද මෙම අවස්ථාවට එක්විය.