තම ඉලක්කය වූයේ අමෙරිකානු ජනාධිපති ඩොනල්ඩ් ට්රම්ප්ට සම්බන්ධ නිලධාරීන් වන බව වොෂින්ටන්හි හිල්ටන් හෝටලයේ වෙඩි තැබීම සිදුකළ වෙඩික්කරු ප්රකාශ කර ඇත.
විමර්ශන නිලධාරීන් හමුවේ ඔහු මේ බව සඳහන් කර ඇති බව විදෙස් මාධ්ය වාර්තා කළේය.
අමෙරිකානු ජනාධිපති ඩොනල්ඩ් ට්රම්ප්, උප ජනාධිපති ජේ.ඩී. වෑන්ස් ඇතුළු එරට රජයේ ජ්යෙෂ්ඨ නියෝජිතයින්ගේ ප්රධානත්වයෙන් පැවති ධවල මන්දිර වාර්තාකරුවන්ගේ වාර්ෂික රාත්රි භෝජන සංග්රහය අතරතුර එම ස්ථානයට කඩා වැදුණු පුද්ගලයෙකු විසින් වෙඩි තැබීමක් සිදුකර තිබුණි.
කෙසේවෙතත් ජනාධිපතිවරයා ඇතුළු පිරිස ආරක්ෂිතව ඉවත් කරගැනීමට ආරක්ෂක අංශ පියවර ගෙන තිබූ අතර පසුව වෙඩික්කරු අත්අඩංගුවට ගනු ලැබීය.
වෙඩික්කරු 31 හැවිරිදි කැලිෆෝනියාහි පදිංචිකරුවෙකු බවට හඳුනාගෙන ඇති ඔහු විසින් වෙඩි ප්රහාර 5ත් 8ත් අතර සංඛ්යාවක් සිදුකර ඇති බව ආරක්ෂක අංශ සිදුකළ විමර්ශනවලදී අනාවරණය වී ඇත.
එමෙන්ම අදාළ සැකකරු ඉහළ අධ්යාපනයක් ලැබූ උපකාරක පන්ති ගුරුවරයෙකු සහ ආධුනික වීඩියෝ ක්රීඩා නිර්මාණකරුවෙකු බව වන බවද විදෙස් මාධ්ය වාර්තා කර ඇත.