ඉරානයේ ටෙහෙරාන් අගනුවර පිහිටි යුනෙස්කෝ ලෝක උරුමයක් වන ඓතිහාසික ගොලෙස්තාන් මාලිගයට (Golestan Palace) එල්ල වූ ප්රහාර හේතුවෙන් දැඩි හානි සිදුව ඇති බව ඉරාන රජයේ මාධ්ය වාර්තා කරයි. 16වන සියවසේ පර්සියානු ගෘහ නිර්මාණ ශිල්පයේ අග්රගන්ය නිර්මාණයක් ලෙස සැලකෙන මෙම මාලිගය ඉරාන සංස්කෘතික අනන්යතාවයේ ප්රධාන සංකේතයක් වන අතර, මාලිගය ආසන්නයේ පිහිටි අර්ග් චතුරශ්රයේ (Arg Square) සිදුවූ ප්රබල පිපිරීම් හේතුවෙන් මෙම විනාශය සිදුව ඇති බව සඳහන් වේ.
කජාර් සහ පහ්ලවි රාජවංශවල නිල මූලස්ථානය ලෙස භාවිත වූ මෙම මාලිගයේ පැවති අතිවිශිෂ්ට කන්නාඩි නිර්මාණ සහ පෞරාණික වීදුරු නිර්මාණ, පිපිරීම්වලින් ඇති වූ කම්පන තරංග හේතුවෙන් බිඳී ගොස් තිබේ. ඓතිහාසික අගයකින් යුත් මෙවැනි ස්මාරක යුදමය වාතාවරණය හමුවේ අනතුරට ලක්වීම පිළිබඳව යුනෙස්කෝ සංවිධානය සිය දැඩි කනස්සල්ල පළ කර ඇති අතර, ජාත්යන්තර නීතියට අනුව මෙවැනි ස්ථාන ආරක්ෂා කිරීමට පියවර ගන්නා ලෙස සියලු පාර්ශ්වයන්ගෙන් ඉල්ලා සිටියි.
මිල කළ නොහැකි මෙම ලෝක උරුමයට හානි සිදුවීම ජාත්යන්තර ප්රජාවගේ දැඩි දෝෂදර්ශනයට ලක්ව ඇති අතර, මෙය ඉරාන සංස්කෘතික උරුමයට එල්ල වූ මරු පහරක් ලෙස විදෙස් මාධ්ය පෙන්වා දෙයි. යුද්ධයේ දරුණු බව හමුවේ මානව ඉතිහාසයේ සළකුණු මැකී යාමේ අවදානම පිළිබඳව මේ වන විට ලොව පුරා දැඩි කතාබහක් නිර්මාණය වී තිබේ.