දිට්වා සුළි කුණාටුවෙන් ශ්රී ලංකාවට සිදු වූ බලපෑම සහ යළි ගොඩනැඟීමේ ක්රියාවලිය පිළිබඳ ජාතික දෘශ්ය වාර්තාවක් සකස් කිරීමට ජනාධිපති මාධ්ය අංශය සහ ක්ලීන් ශ්රී ලංකා ලේකම් කාර්යාලය එක්ව කටයුතු යොදා තිබෙන අතර මේ සඳහා ඡායාරූප ඉදිරිපත් කරන ලෙස ජනාධිපති මාධ්ය අංශය, වෘත්තීය සහ ආධුනික ඡායාරූප ශිල්පීන්ට මෙන්ම මහජනතාවටද ආරාධනා කර සිටිනවා.
ශ්රී ලංකාවේ ඓතිහාසික සිදුවීම් ඇතුළත් ඡායාරූප ලේඛනගත කිරීම සහ සංරක්ෂණය කිරීම සඳහා වන රජයේ වැඩපිළිවෙළ යටතේ මෙම ඡායාරූප එක්රැස් කිරීමයි සිදු කෙරෙන්නේ.
මෙම ජාතික දෘශ්ය වාර්තා ප්රදර්ශනය, 2026 පෙබරවාරි 13 වනදා සිට 17 වනදා දක්වා කොළඹ නෙළුම් කුලුන පරිශ්රයේදී පැවැත්වීමට නියමිතයි.
දිට්වා සුළි කුණාටුව සහ ඉන් ඇති වූ ව්යසන තත්ත්වය හමුවේ ජන ජීවිතයට සිදු වූ බලපෑම, අවතැන් වීම්, පීඩාවට පත් වූවන්ට කඩිනම් සහන සැලසීමේ වැඩපිළිවෙළ සහ යථා තත්ත්වයට පත් වීමේ සාමූහික උත්සාහයන්, මානුෂීය ආධාර, ජන ජීවිතය යළි ගොඩනැංවීම ආදිය පිළිබිඹු වන ඡායාරූප මේ සඳහා ඉදිරිපත් කළ හැකියි.
විශේෂ කමිටුවක් විසින් මේ සඳහා සුදුසු ඡායාරූප තෝරා ගනු ලැබේ. මෙසේ තෝරා ගන්නා ලද ඡායාරූප, ජාතික දෘශ්ය වාර්තා ප්රදර්ශනයේදී මහජන ප්රදර්ශනයට ඉදිරිපත් කෙරෙන අතර, නිල ඡායාරූප ග්රන්ථයෙහිද ඇතුළත් කෙරෙනවා.
එසේම, එම ඡායාරූප, නිර්මාණ අයිතිය පිළිබඳ තොරතුරුද සමඟ මාර්ගගත දෘශ්ය ලේඛනාගාරයක ප්රදර්ශනය කිරීම සිදු කරනු ලබනවා.
2026 ජනවාරි 16 දිනට පෙර,
• +94 71 985 9461 WhatsApp අංකය
• www.regeneration.gov.lk වෙබ් අඩවිය
• pmdphotoal@gmail.com විද්යුත් තැපෑල ඔස්සේ ඡායාරූප ඉදිරිපත් කළ හැකිය.
එසේ නොමැති නම්, ඡායාරූප ඒකකය, ජනාධිපති මාධ්ය අංශය, 4 වන මහල, ස්ටෑන්ඩර්ඩ් චාර්ටඩ් ගොඩනැගිල්ල, ජනාධිපති මාවත, කොළඹ 01, ලිපිනය වෙත ගෙනැවිත් භාර දිය යුතුයි. මේ සමඟ යොමු කර ඇති QR කේතය ස්කෑන් කිරීමෙන් වැඩිදුර තොරතුරු සඳහා ප්රවේශ විය හැකියි.(ඇමුණුම 01)
එමෙන්ම ඉදිරිපත් කරන සෑම ඡායාරූපයක් සමඟම,
• ඡායාරූප ශිල්පියාගේ නම
• ස්ථානය (දිස්ත්රික්කය/නගරය/ගම)
• දිනය හෝ ආසන්න දිනය
• ඡායාරූපයේ දැක්වෙන දේ පිළිබඳ කෙටි විස්තරයක් ඉදිරිපත් කළ යුතුයි.