දිට්වා සුළි කුණාටුවෙන් සහ ඉන් පසුව ඇති වූ ගංවතුර සහ නායයෑම්වලින් පීඩාවට පත් ප්රජාවන්ට උපකාර කිරීම සඳහා තමිල්නාඩු රජයේ හදිසි සහන රැගත් නෞකාවක් ශ්රී ලංකාව බලා පිටත්ව තිබේ.
අත්යවශ්ය සැපයුම් ද්රව්ය මෙට්රික් ටොන් 950ක් රැගත් මෙම නෞකාව, ශ්රී ලංකාව පුරා ආපදාවන්ට ලක් වූ පවුල්වලට බෙදා හැරීම සඳහා ආහාර ද්රව්ය සහ ඇඳුම් පැළඳුම් රැගෙන ඊයේ (06) ටුටිකොරින් වරායෙන් පිටත් විය. තමිල්නාඩු ප්රධාන අමාත්ය එම්.කේ. ස්ටාලින්ගේ මඟ පෙන්වීම යටතේ ආධාර නැව්ගත කර ඇත.
චෙන්නායි හි ශ්රී ලංකා නියෝජ්ය මහ කොමසාරිස් කාර්යාලයට අනුව, අමාත්ය විජිත හේරත් මහතාගේ මඟ පෙන්වීම යටතේ චෙන්නායි හි ශ්රී ලංකා නියෝජ්ය මහ කොමසාරිස් ආචාර්ය ගනේෂ්නාදන් ගීතීෂ්වරන් මහතා විසින් කරන ලද ඉල්ලීමකට ප්රතිචාර වශයෙන් මෙම තොගය ලබා දී ඇත. අද උදෑසන පැවති උත්සවයකදී ප්රධාන අමාත්ය ස්ටාලින් විසින් මෙම පරිත්යාගය ආචාර්ය ගීතීෂ්වරන් වෙත නිල වශයෙන් භාර දෙන ලදී.
තමිල්නාඩු රජයේ නිලධාරීන් සහ ශ්රී ලංකා නියෝජ්ය මහ කොමසාරිස් කාර්යාලයේ නියෝජිතයින් මෙම අවස්ථාවට සහභාගී වූහ.