අධ්යාපන, උසස් අධ්යාපන හා වෘත්තිය අධ්යාපන අමාත්යාංශය ඇතුළු රජයේ අමාත්යාංශ සෘජුව වගකීම දරන්නේ රජය විසින් හඳුන්වා දුන් එම ගිණුම් සඳහා යොමු කරන මූල්යමය පරිත්යාග සඳහා පමණක් වන බව අධ්යාපන අමාත්යාංශය නිවේදනය කර තිබේ.
මූල්යමය ආධාර භාර ගන්නා වෙනත් සංගමයක හෝ පුද්ගලයකුගේ ගිණුම් අංක සඳහා තම අමාත්යාංශය එකඟතාවක් හෝ අනුමැතියක් ලබා දී නොමැති අතර එම මූල්යමය පරිත්යාගවල වගකීම අදාළ සංගම් හෝ පුද්ගලයන් විසින් දරනු ඇති බවද එහි වැඩිදුරටත් සඳහන් වේ.
අධ්යාපන අමාත්යාංශය පැවසුවේ අසීරු අවස්ථාවේ ජනතාව විසින් සිදු කරන දායකත්වය අගය කරන අතර සිසුන් වෙනුවෙන් සිදු කරන මූල්යමය පරිත්යාගවලදී එහි වගකීම් සහගත බව පිළිබඳ සැලකිලිමත් වන ලෙසයි.
රටේ පැවැති අයහපත් කාලගුණ තත්ත්වයෙන් පීඩාවට පත් සිසු දරුවන්ට උපකාර කිරීම සඳහා මේ වන විට රටේ බොහෝ පිරිස් සහ සංවිධාන පැසසිය යුතු දායකත්වයක් ලබා දෙමින් සිටියි.
එලෙස දායකත්වය ලබා දෙන දෙස්-විදෙස් පරිත්යාගශීලීන්ගේ මූල්යමය ආධාර භාර ගැනීමට රජය විසින් ගිණුම් අංක කිහිපයක්ද මේ වන විට හඳුන්වා දී තිබේ.
රජයේ ගිණුම් තොරතුරු සඳහා පිවිසෙන්න : www.donate.gov.lk