ඊශ්‍රායල ප්‍රාණඇපකරුවන්, පලස්තීන සිරකරුවන් සහ රැඳවියන් නිදහස් කිරීමෙන් පසුව ගාසා සටන් විරාම ගිවිසුමේ පළමු අදියරට අමෙරිකානු ජනාධිපති ඩොනල්ඩ් ට්‍රම්ප් ඇතුළු ලෝක නායකයින් අත්සන් තබා තිබේ.
විදෙස් මාධ්‍ය වාර්තා කළේ ඊජිප්තුවේ පැවැති සමුළුවේ දී මෙම සටන් විරාම ගිවිසුමට අත්සන් තබා ඇති බවයි.
අමෙරිකානු ජනාධිපතිවරයා, ඊජිප්තු ජනාධිපතිවරයා, තුර්කි ජනාධිපතිවරයා, කටාර් එමීර්වරයා ගාසා සටන් විරාම ගිවිසුමේ පළමු අදියරට අත්සන් තබා ඇත.
ගාසා තීරයේ ඉතිරිව සිටින ප්‍රාණ ඇපකරුවන් 20 දෙනා ඊශ්‍රායලයට භාරදීමෙන් පසුව ගිවිසුම අත්සන් තැබීම සිදුවූ බවද විදෙස් මාධ්‍ය වාර්තා කළේය.
ඊශ්‍රායලය විසින් රඳවාගෙන සිටි පලස්තීන සිරකරුවන් 250 දෙනෙකු සහ රැඳවියන් 1,700කට වැඩි පිරිසක් නිදහස් කිරීමද මෙහිදී සිදුව තිබේ.