නීතිවිරෝධීව මෙරටට ආනයනය කරන ලද යතුරුපැදි සම්බන්ධ සිදුවීමට අදාළව හම්බන්තොට, නාගරවැව කුරුලු උයනේ හිමිකරු එළැඹෙන 25 වනදා දක්වා රක්ෂිත බන්ධනාගාරගත කර ඇත.
සැකකරුව අද (17) උදෑසන නාරාහේන්පිට ප්‍රදේශයේදී විශේෂ පොලිස් කණ්ඩායමක් විසින් අත්අඩංගුවට ගෙන තිබූ අතර හම්බන්තොට මහේස්ත්‍රාත් අධිකරණයට ඉදිරිපත් කිරීමෙන් අනතුරුව මෙලෙස රක්ෂිත බන්ධනාගාරගත කර තිබේ.
නීතිවිරෝධීව මෙරටට ආනයනය කරන ලද යතුරුපැදි 21ක් පසුගියදා මධ්‍යම අපරාධ විමර්ශන කාර්යාංශය විසින් සොයාගනු ලැබීය.
පොලීසිය පැවසුවේ මෙම එක් යතුරුපැදියක වටිනාකම රුපියල් කෝටි එකහමාරකට වඩා වැඩි බවය.