රුපියල් කෝටි එකහමාරකට ආසන්න වටිනාකමක් ඇති අයිස් ක්‍රිලෝග්‍රෑම් එකයි ග්‍රෑම් 15ක් සමග සැකකරුවන් තුන්දෙනෙකු ගම්පහ, මීගහවත්ත, උඩුපිල ප්‍රදේශයේදී අත්අඩංගුවට ගෙන තිබේ.
පොලිස් විශේෂ කාර්ය බලකාය සඳහන් කළේ, 38 හැවිරිදි කාන්තාවක් සහ 26 හැවිරිදි තරුණයෙකු එහිදී අත්අඩංගුවට ගත් බවයි. ජාවාරමට ආධාර අනුබල දුන් 58 හැවිරිදි කාන්තාවක්ද අත්අඩංගුවට ගෙන තිබේ. අත්අඩංගුවට ගෙන ඇත්තේ, උස්වැටකෙයියාව සහ කඩුවෙළ ප්‍රදේශවල පදිංචිකරුවන් පිරිසකි.
සැකරුවන් සතුව තිබූ මෝටර් රථයක් සහ ජංගම දුරකතන 04ක්ද පොලිස් විශේෂ කාර්ය බලකාය භාරයට ගෙන තිබේ.
පොලිස් විශේෂ කාර්ය බලකාය සඳහන් කළේ, සැකකරුවන් වැඩිදුර විමර්ශන සඳහා මීගහවත්ත පොලිස්ථානය වෙත ඉදිරිපත් කළ බවයි.