ශ්‍රී ලංකාවේ විදුලිබල ක්ෂේත්‍රයේ මූල්‍ය තිරසාරභාවය ඉහළ නැංවීම අරමුණු කරගත් ප්‍රතිසංස්කරණ සඳහා සහාය වීම සහ පහසුකම් සැලසීම සඳහා ආසියානු සංවර්ධන බැංකුව විසින් ණය මුදලක් අනුමත කර තිබෙනවා.
ඒ අනුව අමෙරිකානු ඩොලර් මිලියන 100ක ප්‍රතිපත්ති පදනම් කරගත් ණය මුදලක් මෙලෙස අනුමත කර ඇති බව සඳහන්.
පුද්ගලික ආයෝජන සඳහා හිතකර පරිසරයක් නිර්මාණය කිරීම, පුනර්ජනනීය බලශක්ති සංවර්ධනය ඉහළ නැංවීම සහ විදුලිබල ජාල නවීකරණය කිරීම සඳහා මෙම වැඩසටහන උපකාරී වනු ඇති.
එමෙන්ම මෙම වැඩසටහන මගින් විදුලිබල පනත යටතේ හඳුන්වා දී ඇති ආයතනික හා නියාමන ප්‍රතිසංස්කරණ ඇතුළුව විදුලිබල ක්ෂේත්‍රයේ ප්‍රතිසංස්කරණ සහ විදුලිබල ක්ෂේත්‍රයේ මෙහෙයුම් තිරසාරභාවය වැඩිදියුණු කිරීමටද සහාය වනු ඇති බව ආසියානු සංවර්ධන බැංකුව පවසනවා.
පුනර්ජනනීය බලශක්තිය සඳහා වන ආයෝජන වේගවත් කිරීමට උපකාර කිරීම සඳහා, 2023-2030 සඳහා පුනර්ජනනීය බලශක්ති ව්‍යාප්ති සැලසුම් යටතේ බහු මුලපිරීම් සඳහා මෙම වැඩසටහන සහාය වනු ඇති බවද සඳහන්.