පාස්කු ප්‍රහාරය : චූදිතයන් 24 දෙනාගෙන් 15 දෙනෙකු වරදකරුවන් කෙරේ

2019 පාස්කු ඉරිදා ත්‍රස්ත ප්‍රහාරය සම්බන්ධයෙන් චූදිතයන් 24 දෙනෙකුට එරෙහිව පවරා ඇති නඩුවේ තීන්දුව කොළඹ මහාධිකරණ ත්‍රිපුද්ගල විනිසුරු මඬුල්ල විසින් ප්‍රකාශයට පත් කරනු ලබයි.

ප්‍රහාරයට කුමන්ත්‍රණය කිරීම සහ අනුබල දීම ඇතුළු චෝදනා 23,270කට අධික සංඛ්‍යාවක් යටතේ විත්තිකරුවන්ට එරෙහිව චෝදනා නගා තිබුණි.
චූදිතයන් 24 දෙනාගෙන් 15 දෙනෙකු වරදකරුවන් ලෙස තීරණය කර ඇති අතර, ඉතිරි විත්තිකරුවන් නවදෙනා නිදහස් කර නිදහස් කිරීමට නියෝග කර ඇත.

පාස්කු ඉරිදා ප්‍රහාරයේ මෙහෙයුම්කරු වූ සහරාන් හෂීම්ගේ ප්‍රධාන සගයෙකු ලෙස විමර්ශකයන් විසින් හඳුනාගත් නවුෆර් මවුලවි ද වරදකරුවන් වූවන් අතර වේ.

අධිකරණ කටයුතු තාවකාලිකව කල් තබා ඇති අතර, වරදකරුවන් වූවන්ට දඬුවම් නියම කිරීම සඳහා මඳ වේලාවකින් නැවත රැස්වීමට නියමිතය.

වරදකරුවන් ලෙස තීන්දු වූවන්,

1.මුහම්මද් ඉබ්‍රාහිම් මුහම්මදු නවුෆර්
2.මුහම්මදු ශරීෆ් ආදම්ලෙබ්බේ (කෆූර් මාමා)
3.හයාතු මුහම්මදු මිල්හාන්
4.මුහම්මද් ඉබ්‍රාහිම් සාදික් අබ්දුල්ලා
5.මුහම්මද් ඉබ්‍රාහිම් සාදිත් අබ්දුල් හක්
6.මුහම්මද් අස්වර් මුහම්මද් රිස්කාන්
7.මුහම්මද් මන්සූර් මුහම්මද් සනාස්දීන්
8.අබ්දුල් මනාෆ් මුහම්මද් ෆිර්දවුස්
9.මුහම්මද් රමීස් මුහම්මද් සාජිත්
10.අබ්දුල් ලතීෆ් මුහම්මදු සාෆි (මවුලවි)
11.හුසේනුල් රිස්වි කාලිද්
12.මුහම්මද් හනීෆා ජෛනුල් ආබ්දීන්
13.මුහම්මද් මුස්තෆා මුහම්මද් හැරිස්
14.රාසික් රාසා හුසේන්
15.කච්චි මුහම්මදු ජෙස්මීන්

නිදහස් වූවන්,

1.මුහම්මද් සවාහීර් මුහම්මදු හසන්
2.මුහම්මද් ඉෆ්තිකාර් මුහම්මද් ඉන්සාෆ්
3.රෂීඩ් මුහම්මද් ඉබ්‍රාහිම්
4.යාසින් බාවා අබ්දුල් රවුෆ් (මියගොස් ඇත)
5.සෙයිනුල් ආබ්දීන් මුහම්මදු ජසීන්
6.මුහම්මදු මුස්තෆා මුහම්මද් රිස්වාන්
7.මීරා සාහිබ් මුහම්මද් නෆ්ලි
8.මුහම්මද් අමීන් ආයතුල්ලා
9.මුහම්මදු අන්සාර් හිල්මි මුහම්මදු අක්රම්