කථානායක මහින්ද යාපා මහතා සිය කාර්ය මණ්ඩලයේ සියලූ තනතුරු සඳහා පවුලේ ළඟම ඥාතීන් පත්කරයි
මන්ත්‍රීවරුන් 53 දෙනෙකුගේ දිවා ආහාරය අත්හිටුවීමට පියවර
වර්තමාන පාර්ලිමේන්තුවේ කථානායක මහින්ද යාපා අබේවර්ධන මහතා සිය කාර්ය මණ්ඩලයේ සියලූම තනතුරු සඳහා පවුලේ ළඟම ඥාතීන් පත්කර ඇතැයි වාර්තා වේ.
වත්මන් ආණ්ඩුවේ කිසිදු දේශපාලනඥයෙක් සිය පුද්ගලික කාර්ය මණ්ඩල සඳහා පවුලේ ඥාතීන් පත් කර නොගන්නා ලෙසට ජනාධිපතිවරයා ධුරයේ වැඩ භාර ගෙන කරන ලද රාජාසන කතාවේදී කරන ලද ඉල්ලීම නොතකා හරිමින් මෙම පත්කිරීම් සිදු කොට තිබීම විශේෂ සිදුවීමකි.
ඒ අනුව සිය සහෝදරයා වන වසන්ත යාපා අබේවර්ධනට පුද්ගලික ලේකම් තනතුරක් ද තවත් සහෝදරයකු වන සරත් යාපා අබේවර්ධනට මාධ්‍ය ලේකම් තනතුරත් ලබා දී ඇති අතර කථානායකවරයාගේ පුතණුවන් වන චමීර යාපා අබේවර්ධනටත් තවත් සහෝදරයකු වන ඉඳුනිල් යාපා අබේවර්ධනටත් ඉතිරි සම්බන්ධීකරණ ලේකම් තනතුරු දෙක පිරිනමා ඇත.
පී ආර් ඕ හෙවත් මහජන සම්බන්ධතා නිලධාරී තනතුර සිය මස්සිනා වන පේ‍්‍රමානන්ද කොමසාරුට ලබා දෙන්නට පියවර ගෙන ඇති කථානායකවරයා තවත් ව්‍යාපෘති ලේකම්වරු පහක් බඳවා ගැනීම සඳහා විශේෂ කැබිනට් අනුමැතියක් ඉල්ලා කැබිනට් පත‍්‍රිකාවක් ද ඉදිරිපත් කර ඇතැයි වාර්තා වේ.
ඉන් එක තනතුරක් සඳහා දැනටමත් ජනක යාපා අබේවර්ධන නම් ඉතිරි සහෝදරයාගේ නම යෝජනා වී තිබේ.
-mawrata-
About The Author
